ఇక చాలు... విరమించు......

ఎక్కడ పుట్టావో ? 
ఎలా పుట్టావో ? 
ఇలనంతా ఆవరించావు !
మానవాళిని కబళిస్తూ 
మరుభూమిని తలపిస్తున్నావు !
వందలు వేలు లక్షలు !
ఇంకా తీరలేదా నీ దాహం !
ఇంకెన్నాళ్లీ రాక్షసత్వం !
ఇకచాలు
విరమించు 
నీ విజృంభణ !
మనుషులంతా మేల్కొన్నారు 
ప్రాణభయమే కావచ్చు 
పాఠాలెన్నో నేర్చుకున్నారు 
ప్రకృతిని శాసించడం కాదు 
ప్రేమించడం గౌరవించడం 
ప్రధానమన్న పచ్చినిజం 
గ్రహించి పొందారు జ్ఞానోదయం !
అందుకే ----
ఇకచాలు 
విరమించు 
నీ విజృంభణ !
ఈ పాఠాలే గుణపాఠాలై 
దారిచూపే దివిటీలై 
రేపటిదారులు సుగమమై 
ఓ సరికొత్త ప్రయాణం 
సాగుతుందని చేస్తున్నాం ప్రమాణం !
అందుకే ---
చాలు, విరమించు 
నీ విజృంభణ !
ఇక అందుకో 
మా వీడ్కోలు !!

***********************************
యం. ధరిత్రీ దేవి 
***********************************