జీవితం

🌷

కొంచెం ఇష్టం , కొంచెం కష్టం  

కొంచెం సుఖం, కొంచెం దుఃఖం 

రెండింటి కలబోతే ఈ జీవితం !

రెండూ కలిస్తేనే కదా అసలైన జీవితం !!

రాత్రి వెంట పగలు

పగలు వెంట రాత్రి వోలె 

వస్తూ పోతూ, పోతూ వస్తూ 

వెలుగుతో  పలకరించి పరవశింపజేస్తూ 

చీకటితో నింపేసి అలమటించేలా జేస్తూ 

ఒకపరి పన్నీటిజల్లుతో నవ్విస్తూ 

అంతలోనే కన్నీటిజడితో తడిపేస్తూ...!

అయినా సరే... 

మనిషిని  నిత్యం నడిపిస్తూ

ఆగక ముందుకు పయనింపజేసేదే జీవితం..!!

ఎత్తుపల్లాలు అత్యంత సహజం

పరమార్థమెరిగి వేదాంత సారం గ్రహిస్తే

బ్రతుకంతా ఆనందమయం 🙂

                  *********************