🌷
పసిపాప నవ్వు !
ఆ నవ్వులో ఎంత స్వచ్ఛత !
ఆ పసితనంలో ఎంతటి పవిత్రత !
అప్పుడే విరిసిన పుష్పంలా ఆ వదనం
ఆహా ! పరవశించిపోదా హృదయం !
కల్మషమెరుగని ఆ చూపుల నిర్మలత్వం
అరవిరిసిన విరజాజికి ప్రతి రూపం !
చూస్తే చాలు, చేతులు చాస్తూ.
కేరింతల స్వాగతాలు !
బోసినవ్వుల పలకరింపులు !
ఎత్తుకున్నవారికి మురిపాల వరహాలు !
ఈర్ష్యాద్వేషాలకు కడు దూరం ఆ పసిది
కపటమెరుగని దరహాసం తనది !!
అమ్మానాన్నల పుణ్యఫలం
వరమై ఒడిజేరిన క్షణం
అంబరమంటిన వారి ఆనందం
వర్ణనాతీతమే కదా !
అది.. అమూల్యం... అపురూపం !!
పసిపాప !! 🙂 నిజముగ....
దేవుడు కొలువైన దేవతాస్వరూపం
దేవతలు దీవించి ఇలకు పంపిన మరో దైవం !
🙂🙂🙂🙂🙂🙂🌷🌷🌷🙂🙂🙂🙂🙂🙂
No comments:
Post a Comment