పాపనవ్వు 🌺🌷🌹

అది ఓ అందాల మేడ 
ఆ పక్కనే వెలవెలబోతూ చిన్ని గూడు !
మేడ చుట్టూ ప్రహరీగోడ 
గుడిసె ముంగిట పేదరికపు క్రీనీడ !
మేడలో మెరిసిపోతూ
 ఓ ముద్దుల పాప
 చూరు కింద మట్టిలో 
 మసకబారి మరో పాప!
 పట్టు పరికిణీ లో 
 పచ్చపచ్చగా ఒకరు
 చిరుగుల ఫ్రాకులో 
 చింపిరి తలతో మరొకరు!
 కడుపు నిండి 
 కళకళలాడుతూ ఒకరు
 కరువునబడి 
 కళ తప్పి ఇంకొకరు !
 ఈడు ఒకటైనా
 ఇరువురి నడుమా 
 పూడ్చలేని అగాథం!
 అన్నింటా అంతులేని
 అంతస్తుల అంతరాలు!
 ఒక్కవారి చిరునవ్వులో
 కల్మష రహిత దృక్కులలో 
 కపటమెరుగని
 హృదయ స్పందనలో దప్ప !!

🌺🌹💐🌷🌺💐🌹🌷🌺💐🌹🌷🌹