🌴🌲🌴🌲🌴🌲🌴🌲🌴🌲🌴🌲🌴🌲🌴🌲
~యం. ధరిత్రీ దేవి
పలురకాల హరితవర్ణ వృక్షజాలం...
నీలాల నింగిని తాకాలని ఆశపడుతున్నదా!
పక్కపక్కనే ఉంటూ పోటీ పడుతున్నట్టు...
అంతలోనే.. ఆత్మబంధువుల్లా
పలకరించుకుంటున్నట్లు...
చల్లనిగాలులు వింజామరలు
వీస్తున్నట్టు కాసేపు...
ఎవరిమీదో కోపంతో ఊగిపోతున్నట్టు
మరికాసేపు.. ఉగ్రరూపం దాల్చిందా ప్రకృతి..!
అన్న రీతిని బీభత్సంగా.. భయంగొల్పుతూ
మరోసారి..! ఏమా వింత వింత విన్యాసాలు!!
గొడుగులా విచ్చుకుని నీడనిస్తూ...
గుబురుగా అల్లుకొని పక్షులకావాసమవుతూ
ప్రాణవాయువుతో ప్రాణం పోస్తూ...
మరోపక్క శబ్ద కాలుష్యంతో పోరాడుతూ...
ఋతువులకనుగుణంగా రూపం మారుస్తూ..
ప్రతీక్షణం స్పందిస్తూ..ప్రకృతితో మమేకమౌతూ
సేవాగుణంతో తరించిపోయే ఈ చెట్లు
అక్షరాలా ప్రగతికి మెట్లు...!
🌲🌴🌲🌴🌲🌴🌲🌴🌲🌴🌲🌴🌲🌴🌲🌴
No comments:
Post a Comment