🌿🍀🌱🍁🍀🍂🌱🌿🌵☘️🍀🌿☘️🌵🌱🍀🌿
🌷🌹🌷 వినాయక చవితి శుభాకాంక్షలు 🌷🌹🌷
🍈🍐🍑🍊🍎🍅🍓🍒🍑🍊🍍🍎🍅🍒🍓🍏🍈
వినాయక చవితి విశిష్ట ప్రాధాన్యత కలిగిన పండుగ.వినాయకుణ్ణి విఘ్నేశ్వరుడనీ, గణపతి అని ఇంకా అనేక పేర్లతో పిలవడం మనకు తెలుసు. ఏ దేవునికీ లేని ప్రత్యేకత గణపతికి ఉంది.ఏపూజ చేసినా...ఏ వ్రతం చేసినా...ముందుగా విఘ్నేశ్వరుని స్తుతిస్తూ మొదలెడతారు...ఏ విఘ్నాలూ రాకుండా అడ్డుకుంటాడన్న నమ్మకంతో...
ఖరీదైన వేమీ కోరడీ దేవుడు...సువాసనలతో కూడి అందంగా కనిపించే పుష్పాలనూ పూజకు కావాలనుకోడు. గరిక, ఉమ్మెత్త, జిల్లేడు...ఇలాంటివి చాలంటాడు. అలా ఇరవై ఒక్క రకాల ఔషధ విలువలున్న ఆకులను వాడడం గణపతి పూజ ప్రత్యేకత !!
ఈ పండగంటే యువతకెంతో ఇష్టం. విగ్రహాలు ప్రతిష్టించి కార్యక్రమ నిర్వహణ నిమజ్జనం దాకా ఘనంగా, ఓపిగ్గా చేసేది ఎక్కువ శాతం వీళ్ళే...
అంతా బాగుంటుంది గానీ... భారీ విగ్రహాలు...అవీ..ప్లాస్టర్ అఫ్ పారిస్ తో చేసినవి పూజకు వాడడమే అభిలషణీయం కాదు. కానీ పోటీలు పడుతూ విగ్రహాల పరిమాణం పెంచుతూ పోతుంటారు. ఈమధ్యకాలంలో మట్టి విగ్రహాల వాడకంపై విశేష ప్రచారం జరుగుతూ ఉంది. ఇదెంతో హర్షణీయం. పండుగ రోజున అందరికీ మరోసారి శుభాకాంక్షలు. 💐
*****************************************
No comments:
Post a Comment