*****************************************
ఓహో గులాబిబాల
అందాల ప్రేమమాల
సొగసైన కనులదానా
సొంపైన మనసుదానా...
--- ఈ గులాబీని చూస్తే..పి. బి. శ్రీనివాస్ గారు పాడిన అలనాటి పాట గుర్తొస్తోంది నాకు. మల్లెపువ్వు తెలుపు రంగుతో స్వచ్ఛతకు చిహ్నంగా ఉంటుంది. కానీ.. అందం విషయానికి వస్తే... గులాబీనే ప్రస్తావించాల్సివస్తుంది . నిజంగా... రకరకాల రంగుల్లో సువాసన కూడా రంగరించుకుని అతివలనే కాదు.. చూసే ప్రతి ఒక్కరినీ ఆకర్షిస్తూ... అలరిస్తూ.. ఓహ్ !! ఒక్క గులాబీకే సొంతమేమో అనిపించదూ ! ఆ మాటకొస్తే.. సృష్టిలోని పూలన్నీ అందమైనవే... కాకపోతే.. 'గులాబి' మరి కాస్త ఎక్కువ అందమైనదన్నమాట...🙂అరచేతిలో ఇమిడిపోతూ, ముట్టుకుంటే మాసిపోతాయేమో... అన్నట్లుగా వలయాకారంలో ఒద్దికగా అమరిన ఆ పూరేకలు!! చూస్తున్నకొద్దీ చూడాలనిపిస్తోంది...
ఓ ఉషోదయాన మా ఇంటి ముంగిట కుండీలో విరిసి విచ్చుకున్న ఈ గులాబీ రంగు గులాబీని చూడగానే 'క్లిక్' మనిపించాలనిపించింది... అలా చిక్కుకుని పదిలంగా ఉండిపోయింది నా చెంత.....
*******************************************
No comments:
Post a Comment