అరచేతిలో అద్భుతం...

    🌺🌺🌺🌺🌺🌺🌺🌺🌺🌺🌺🌺🌺🌺🌺   

  రోజు రోజుకీ కొత్త పుంతలు తొక్కుతూ విస్తరిస్తూ ఉన్నటెక్నాలజీ  ఓ అద్భుతమైన ఆవిష్కరణ చేసిన సంగతి మనందరికీ తెలుసు. జనజీవన స్రవంతి లోనికి అనూహ్యంగా చొచ్చుకొని వచ్చిన ఆ అద్భుతం గురించి నాలుగు మాటలు చెప్పుకుందాం...🫡👇

        

 పావురాలతో వర్తమానాలు పంపిన రోజులు... 

      నేడవి మరుగున పడ్డ ఒకనాటి జ్ఞాపకాలు...!

      కార్డు ముక్కపై కబుర్లు రాసుకున్న జనాలు...

      నేడు రాయడమన్నదే మరిచిన వైనాలు..!

      తంతితపాలా శాఖ తలపులలోనే...!

                                టెలిగ్రామ్   

                          ఇన్ ల్యాండ్ కవర్

      ఎన్వెలప్ కవర్, ఇన్ ల్యాండ్ కవర్,కార్డు 

           ' ల్యాండ్ ఫోన్ '...అంటారా...!

             నట్టింట బందీ అయిపోయే!

🙂

 అన్నింటినీ తలదన్నుతూ అరచేతిలో 

 ఆవిర్భవించిందిగా ఓ అద్భుతం..!!

 అనూహ్యంగా అయిపోయింది 

 అందరికీ అమూల్య ఆభరణం..!

 అది చేతనుండగా...

 కరమున సువర్ణ కంకణమేల!

 అదో తిరుగులేని ఆయుధం 

 అనునిత్యం అత్యవసరం...!

 తాకితే చాలు... సమస్త భూగోళం ప్రత్యక్షం..!!

'క్లిక్ ' చేస్తే చాలు... సిద్ధం... ఛాయాచిత్రం!

 అందరం 'కెమెరా మెన్ 'లమే..

 అందరం 'వీడియో గ్రాఫర్ 'లమే...!

 చిత్రం ! భళారే ! విచిత్రమే !! 🤗

 మధురస్మృతులు...పదిలం పదిలం...

 మరల మరల వీక్షణం...మధురం సుమధురం..

 ఇక..వద్దన్నా వచ్చి పడే 

 వీడియోలు... వినోదాలు.... 

 అవి నిరంతర ప్రవాహాలు...!!

 సరికొత్త లోకానికి 

 తీస్తాయి తలుపులు..

 అంతేనా !!

 అదో అచ్చు యంత్రం..!!

 సృజనకు ప్రియ నేస్తం 🤗

 కవిత రాయాలా...

 కథ చెప్పాలా...!

 పాట పాడాలా...!

 అంతా  మన ఇష్టం..

 పలుకుతుంది ఆహ్వానం 🤗

 ఇక మనదే ఆలస్యం...

 నిరుద్యోగులకు ఇదో దివ్యవరం 

 ఇంటినుండే చేయమంటుంది ఉద్యోగం !

 సంపాదనకు తెరుస్తుంది సింహద్వారం...!

ఇంకా..............    

కాళ్లరిగేలా తిరగడం ఎందుకు?

ఆన్లైన్ షాపింగ్ లు... 

ఆన్లైన్ పేమెంట్లు...!!

ఒక్క 'కాల్ ' చాలు మనకు...

గుమ్మం ముందు మోగుతుంది 

'కాలింగ్ బెల్ '!

శ్రమ ఖర్చు...! 'నిల్ ' !!

సినిమా టికెట్ కావాలా..!

ఆన్లైన్ బుకింగ్...!

ఫ్లైట్ టికెట్ కావాలా...

ఆన్లైన్ బుకింగ్...!

వృద్ధులకు..నిస్సహాయులకు 

ఉపయోగపడే ఊతకర్ర...

ఏదైనా సమాచారం కావాలా...?

ఉందిగా గూగులు...🫲

చెప్పుకుంటూ పోతే 

అన్నీ ఇన్నీ కాదు...

లెక్కపెట్టలేనన్ని లావాదేవీలు!

కదలక కూర్చుని ఇంటి నుండే 

చక్కబెట్టగల సౌలభ్యాలు..సేవలు...

ఆగండి... అయిపోలేదింకా... 🙂

 దూరాభారం సమస్య...

 అస్సలు లేదు..

 అమెరికా అయినా... 

 ఆస్ట్రేలియా అయినా...

 ఫేస్ టు ఫేస్... చిట్ చాట్...!!

 ఇంతకీ...అదీ ... అదేమిటీ...?!

 ఇంకా వేరే చెప్పాలా... 🙂

 ONE AND ONLY...

 SMART phone 👌

All in One..👌

ఆధునికతకు అసలైన 'సింబల్'

పెడదారి పట్టారో...! తప్పదు 

'డేంజర్ బెల్ '....!!

' టెక్నాలజీ' నీకు జోహార్లు...

 నీ సృష్టికి...సృష్టి సమస్తం

 చేస్తోంది 'సెల్యూట్' !!👃🫡

నిజమే కదండీ... టెక్నాలజీ ప్రసాదించిన సౌలభ్యాన్ని సద్వినియోగం చేసుకుంటే అందరికీ బాగుంటుంది. కానీ ఈ మధ్య దుర్వినియోగం  చేస్తూ పెడదారులు పట్టిస్తున్నారు కొందరు. అలా సైబర్ నేరాలకు పాల్పడకుండా ఉంటే... నిజంగా స్మార్ట్ ఫోన్ అన్నది అరచేతిలో అత్యద్భుతమే..!! కాదంటారా... 🙂

*****************************************

🌺🌺🌺🌺🌺🌺🌺🌺🌺🌺🌺🌺🌺🌺🌺🌺