🐦🐦🐦🐦🐦🐦🐦🐦🐦🐦🐦🐦🐦🐦🐦🐦🐦
నా రాతలు...
నాలో మెదిలే భావాలు !
నా ఆలోచనల ప్రతిరూపాలు !
అందులో కొన్ని....
స్వానుభవాల సజీవ సాక్ష్యాలు !
మరికొన్ని కాల్పనిక అల్లికలు...
ఆహ్లాదంలో...
సంతోష తరంగాలుగా...
ఆవేదనలో...
కన్నీటి కెరటాలుగా...
ఉవ్వెత్తున ఎగిసిపడే ఉప్పెనలు !
అవి కవితలు కావు...
కమ్మని భావవీచికలు...
నిరంతర ప్రవాహాలు !
నేనవ్వితే ఆనందబాష్పాలై...
ఏడిస్తే విషాద గీతాలై...
కాగితాలపై అక్షరాలై...
ఆపై...అన్నీ..అవన్నీ...
నిక్షిప్తమై నిలిచిపోతాయి
హృదయఫలకంపై...
నా కలం నా తోడై
నన్నూరడిస్తుంది ప్రతీక్షణం...
నాతో నడుస్తూ
భుజం తడుతుంది అనుక్షణం !!
జీవితం అంటే... కన్నీటి చారికలేనా !
శోధించు... చూడగలవు నిధినిక్షేపాలు !!
మైమరపించే కొత్త బంగారులోకాలు !
అంటూ నా సృజన..
అందిస్తుంది స్నేహ హస్తం...
అది నా ఆశాదీపం !!🙂
నా జీవనయానంలో అదో భాగం !!
🐦🐦🐦🐦🐦🐦🐦🐦🐦🐦🐦🐦🐦🐦🐦🐦🐦🐦
No comments:
Post a Comment