🌷🌷🌷🌷🌷🌷🌷🌷🌷🌷🌷🌷🌷🌷🌷
🐦🐦🐦🐦🐦🐦🐦🐦🐦🐦🐦🐦🐦🐦🐦
ఎండి బీటలు వారిన భూమి
తొలకరి చిరుజల్లు తాకి
సస్యశ్యామలమవదా !
ఆకులన్నీ నేలరాలి నిస్తేజమై
నిర్జీవశిలలా నిలిచిన ఓ కొమ్మ
ఋతువులు మారిన మరుక్షణాన
చివురులు వేసి చిరునవ్వులు
చిందించదా !!
మానసికవేదనతో మౌనరోదనతో
మ్రాన్పడిపోయేలా మనిషిని
కృంగదీసే మొండి వ్యాధి సైతం
మటుమాయమై స్వస్థత చేకూరదా !!
మరి....!
మోడువారి ఆశలుడిగిన బ్రతుకున
వసంతశోభ వరంలా అడుగిడి
ఆశించని అదృష్టం ఒడినిజేరి
కొత్త ఊపిరులు పోసుకుని
అదే జీవితం శోభాయమానం
అవడం మాత్రం అసాధ్యమా !
కాదుగదా....!!
🐦🐦🐦🐦🐦🐦🐦🐦🐦🐦🐦🐦🐦🐦🐦
🌷🌷🌷🌷🌷🌷🌷🌷🌷🌷🌷🌷🌷🌷🌷
No comments:
Post a Comment