బ్లాగర్ మహాశయులకు వందనాలు మరియు హృదయపూర్వక అభినందనలు

గతసంవత్సరం సరిగ్గా ఇదే రోజు ( 1.4.2020 ) నా బ్లాగును మొదలెట్టాను. ఏడాది కాలం పూర్తవడం పెద్ద విశేషమేమీ కాకపోయినా ఓ విషయం ప్రస్తావించాలన్న కోరికతో రాయాలనిపించింది. నా బ్లాగ్ ప్రారంభించడానికి ముందు కొందరి బ్లాగ్స్ చూశాను. పది సంవత్సరాల నుండి కొందరు, పదిహేను సంవత్సరాల నుండి మరికొందరు తమ బ్లాగులు నిర్వహిస్తుండడం గమనించి అచ్చెరువొందాను. అంతటి ఓర్పు, నేర్పు, ప్రతిభ గల్గిన వారిని తలచుకుంటూ నేను కనీసం ఓ సంవత్సరం పాటైనా రాయగలనా అనుకునేదాన్ని. నిజంగా వారి దృఢ సంకల్పానికి నా హృదయపూర్వక అభినందనలు. నా విషయానికి వస్తే కొద్ది రోజుల పాటు బ్లాగ్ లో పోస్టులు పెట్టాక ' రాయడం అవసరమా' అని సందిగ్ధం లో పడిపోయాను. ఆ సమయంలో కొందరు విజ్ఞుల చక్కటి వ్యాఖ్యలు నను ప్రోత్సాహపరిచి కొనసాగించేలా చేశాయి. వారందరికీ నా కృతజ్ఞతలు.🙏

    మదిలో మెదిలే భావాలకు అక్షర రూపం ఇస్తూ నలుగురితో పంచుకోవడానికి చక్కని వేదికగా నిలుస్తున్న ఈ బ్లాగ్ లోకానికి నమస్సుమాంజలులు.🙏

🌺🌺🌺🌺🌺🌺🌺🌺🌺🌺🌺🌺🌺🌺🌺

              * భువి భావనలు *

🌺🌺🌺🌺🌺🌺🌺🌺🌺🌺🌺🌺🌺🌺🌺