పల్లవి :
పిల్లలం మేము పిల్లలం..
బడి పిల్లలం
గుడిలాంటి బడిలో
గురువుల సన్నిధిలో
చదువులమ్మ ఒడిలో
పాఠాలు నేర్చే విద్యార్థులం
వసివాడని కుసుమాలం
//పిల్లలం//
చరణం :
చదువే మా ధ్యేయం
సమతావాదం మా నినాదం
ప్రగతి బాట మా గమ్యం
దేశభవిత మా లక్ష్యం
//పిల్లలం//
చరణం :
గురువులను గౌరవిస్తాం
పెద్దల మాట మన్నిస్తాం
పిన్నలను ప్రేమిస్తాం
కర్తవ్యం బోధిస్తాం
//పిల్లలం//
చరణం :
రేపటి తరం వారసులం
భావి భారత నిర్మాతలం
కలలు కంటాం కష్ట పడతాం
కలల తీరం చేరుకుంటాం
సమాజహితం కోరుకుంటాం
సదాశయంతో సాగుతాం
//పిల్లలం//
No comments:
Post a Comment