పల్లవి :
మా పాఠశాల ఓ పర్ణశాల
ఇది మాకు ఆలయం /ఇదియే మా భవితవ్యం
మా మంచిగురువులు దైవస్వరూపాలు
మా మార్గదర్శులు నడయాడు దేవతలు
//మా పాఠశాల//
చరణం 1 :
ఉదయాన ప్రార్థనలు / సందేశపాఠాలు
తరగతిగది బోధనలు / నీతిసుధా కథనాలు
మరపురాని అనుభవాలు / మదినిండా జ్ఞాపకాలు
మాకోసమే తరలివచ్చి మాకు దిశామార్గమిచ్చి
చీకట్లను తొలగించి చిరుదివ్వెలు వెలిగించి
చేయి పట్టి నడిపించీ తలరాతను మార్చేసే
మా మంచిగురువులు దైవస్వరూపాలు
మా మార్గదర్శులు నడయాడే దేవతలు
//మా పాఠశాల//
చరణం 2 :
బోధించు వేళల వారు మాకు గురువులు
ఆటాడు సమయాన మా తోటి నేస్తాలు
మా కష్టకాలాన భుజం తట్టు బాంధవులు
నిత్య విద్యార్థులు / స్ఫూర్తికి నిదర్శనాలు
విద్యార్థి ఉన్నతే ఎనలేని సంతృప్తి వారికి
వారి చేత మా భవిత పొంది తీరు ఘనకీర్తి
మా మంచి గురువులు దైవస్వరూపాలు
మా మార్గదర్శులు కనిపించే దేవతలు
//మా పాఠశాల//
No comments:
Post a Comment