🫠🫠🫠🫠🫠🫠🫠🫠🫠🫠🫠🫠🫠🫠🫠🫠
~ యం. ధరిత్రీ దేవి
బాలగేయాలు చిన్నపిల్లల్లో ఎంతో ఉత్సాహాన్ని కలిగిస్తాయి. ఎప్పుడూ పాఠాలే కాకుండా వారికి పాటలు కూడా నేర్పిస్తే చక్కగా నేర్చుకుంటారు. అలాగే పాటల ద్వారా అంతర్లీనంగా చక్కటి సందేశాలనూ పిల్లలకు అందించవచ్చు.పాటలకు అభినయం జోడిస్తే అభినయ గీతాలవుతాయి కూడా. అలాగే ఉపాధ్యాయులకు పిల్లలకూ మధ్య చక్కటి అనుబంధం ఈ పాటల ద్వారా ఏర్పడుతుంది. ఈ క్రింది బాల గేయానికి చక్కటి రాగం కట్టి ప్రాథమిక పాఠశాల విద్యార్థులకు నేర్పించవచ్చు...
అ ఆ ఇ ఈ అమ్మా తేవే నా పలక
ఆడుతు పాడుతు పరుగున
నేనూ బడికెళతా
//అఆ//
అన్నతో నేనూ పోటీ పడతా
చెల్లికి నేనూ పాఠం చెబుతా
బడిలో నేనూ బుద్ధిగ ఉంటా
తరగతి లీడర్ నేనే అవుతా
//అఆ//
ఒకట్లు పదులు వందలు వేలు
వారాలు నెలలు సంవత్సరాలూ
తెలుగు ఆంగ్లం గణితం జ్ఞానం
చకచక అన్నీ నేర్చుకుంటా
//అఆ//
గురువులు మాకు దైవాలు
భవితకు దారులు వేస్తారు
నా తోటి పిల్లలు నా నేస్తాలు
మానేస్తాము కలహాలు
//అఆ//
🫠🫠🫠🫠🫠🫠🫠🫠🫠🫠🫠🫠🫠🫠🫠🫠
No comments:
Post a Comment