'చిన్నారి'... రేపటి ప్రపంచ పౌరులు... బాలగేయం

బాలల్లారా బాలల్లారా 

రేపటి ప్రపంచ పౌరుల్లారా 

రారండీ రారండీ 

పాఠశాల పిలుస్తోంది రారండీ 

                                                        //బాలల్లారా //

చిట్టి చిట్టి చేతులు మీవి 

పలకా బలపం పట్టాలి 

పలుగూ పారా వదిలేయాలి 

అ ఆ ఇ ఈ నేర్వాలి 

                                                       //బాలల్లారా //

చిన్ని చిన్ని పాదాలు మీవి 

ఆడీ పాడే వయస్సు మీది 

ముద్దుముద్దుగా సాగే బ్రతుకు

మొద్దుబారిపోనీయొద్దు 

                                                        //బాలల్లారా //

మట్టితో ఆటలు ఆడండి

మట్టిపనులు మీకొద్దు మానండి 

కార్ఖానాలు క్వారీలు కూలిపనులు 

చాకిరీలు...వద్దు వద్దు చాలించండి 

                                                        //బాలల్లారా//

అమ్మలు నాన్నలు ఆలకించండి 

ఆలకించి మీరు ఆలోచించండి

మీ అప్పులు మీ తిప్పలు 

మీ పిల్లలకొద్దండీ వద్దండీ

                                                       //బాలల్లారా//

పసివయసును చిదిమేసి 

బ్రతుకు బరువు చేయకండి

బాల్యాన్ని బలిపెట్టి  

పనిలోన పెట్టకండి 

చదివించీ చూడండి 

ప్రగతి దారి చూపండి 

                                                        //బాలల్లారా //