~యం. ధరిత్రీ దేవి
🌲🍀🌿🌵🌳🌵🌿☘️🌾🍀🌲🪻🪴🍁🦠🌲
రోడ్డువారగా పేరు తెలియని మొక్కలు...
వరుణుడి దయతో మొలిచి
నిలిచిన అడవి అందాలు...!
తరచి తరచి చూశామా...
కనిపించగలవు కళాత్మక రూపాలు..
ఆకులా అవి ! చిత్రకారుడు గీసిన ఆకృతులు..
హరితవర్ణంతో మెరిసిపోతూ...
ముద్దులొలుకుతూ ఆ పత్రదళాలు !
పసుపువన్నెతో విచ్చుకున్న
ఆ చిన్ని చిన్ని పూరేకలు !!
పరిమళభరితాలు కాకున్ననేమి...
పాదచారులు ప్రకృతి ప్రేమికులైన
ఇట్టే నిలబెట్టే మనోహర దృశ్యాలు !!
మదిని సృజన ఉంటే చాలు...
కవితాఝరులు పొంగిపొరలు !
కాగితాలపై భావగీతాలుగ మారు !!
పిచ్చిమొక్కలు కావివి....
అలలు అలలుగా కదులుతూ భూమాతచే లాలించబడుతున్న పసిపాపలు !!
దేవుని సృష్టిలో తిరుగులేని భాగస్వాములు !!
🌲🌵🌴🌳🌿☘️🌲🌵🌳🌱🌲🌵🌿🌲🌴🌳
No comments:
Post a Comment