పురాణగాథలు మార్చాయి
కొన్ని రోజుల్ని ఇంటికి పర్వదినాలుగా...
జాతీయ సంఘటనలు
కొన్ని మారాయి సమాజానికి
పర్వదినాలుగా...అయితే...
కొందరు మహనీయులు చిందించిన రక్తం
చారిత్రాత్మక రోజుగా మారిన
చైతన్యదినం..అదే మే డే !!
"ప్రపంచ కార్మికులారా ఏకం కండి "
కార్ల్ మార్క్స్ ఈ నినాదం
ప్రపంచ గమనాన్ని శాసించిన దినం!!
కార్మికులంటే కర్మాగారాల్లో పనిచేసే
శ్రామికులేనా! అంటూ
ప్రశ్న ఉదయించిన మహత్తరక్షణం!
సమాజం కోసం చెమటోడ్చే వారు
నిరంతర శ్రమజీవులు...
కానేకాదు యంత్రాలు..ఇనుప పనిముట్లు...
శక్తికీ పరిమితులు ఉంటాయి...
రోజులో.. పని..విశ్రాంతి..వినోదం..
విభజనకై మొదలైన ఆ పోరాటం
గెలిచి నిలిచిన దినం..అది మే డే!!
అదే..అంతర్జాతీయ కార్మికదినోత్సవం
శ్రమైక జీవన సౌందర్యం
వెల్లి విరిసిన సుదినం !!
కార్మిక లోకానికి పర్వదినం!!
~ ధరిత్రీ దేవి
No comments:
Post a Comment