~యం. ధరిత్రీ దేవి
అహరహం శ్రమించే అమ్మలు
అలుపెరుగని శ్రమజీవులు...
స్వార్థం ఎరుగరు..అంతటి అమాయకులు!
పిల్లలే ప్రపంచమనుకునే ప్రేమమూర్తులు
కర్మాగారాల్లో పనిచేస్తేనే శ్రామికులా..
కుటుంబం కోసం నిరంతరం కష్టించే
గృహిణులు కారా శ్రామికులు!గుర్తింపు ఎక్కడ?
ఆ శ్రమజీవి చిందించే చెమటకు..!
ధన్యజీవులని పొగడ్తలు!
త్యాగమూర్తులని బిరుదులు!!
ఇవన్నీ బయట వినపడే నోటి మాటలు..
నిజానికి..వాస్తవ దూరాలు..
ప్రతిఫలం ఆశించని అమ్మలు..ఇంటిల్లిపాదికీ
అందించే సౌకర్యాలు వెలకట్టగలరా!
ఊహకు అందదు ఆ మొత్తం..అవగలదు
మనిషన్నవాడు మోయలేనంత !!
సింహాసనం కోరదు.. కిరీటం ఆశించదు..
'అమ్మ' ఆమె!అన్నింటా సమర్థురాలు...
జీతభత్యాలు లేని ఇంటి దేవత! ప్రేమిద్దాం..
గుర్తించి గౌరవిద్దాం..అదే ఆమెకు అద్భుతమైన
మాతృదినోత్సవ బహుమానం
No comments:
Post a Comment