🥀🥀🥀🥀🥀🥀🥀🥀🥀🥀🥀
🤱
~ యం.ధరిత్రీ దేవి ~
బిడ్డ బోసినవ్వుకు
పులకరిస్తుంది..
తప్పటడుగులనాడు
పరవశిస్తుంది...
తప్పుటడుగులు
సవరిస్తుంది...
ఎవరు ? ఎవరామె ?
పరులు తన పిల్లల్ని
పల్లెత్తు మాటన్నా పడదు..
పోట్లాడుతుంది...
వెన్నుదన్నుగా నిలబడుతుంది
తన ఆకలి ఎరుగనిది...
తన పిల్లల కడుపులు నింపేది...
తన ఆశల పునాదిపై
వారి కలల సౌధం నిర్మించేది !!
చేవగలిగినన్నాళ్లు సేవకు
సిద్ధమంటుంది..
వయసుడిగిననాడు
మాటలు పడుతుంది...
మౌనంగా రోదిస్తుంది
ఎవరు ? ఎవరామె ?
త్యాగానికి ప్రతిరూపం...
నడిచే వెన్నెల దీపం...
ఇలపై 'అమ్మ' కాక
ఆమె మరెవరు ? 🤱
💐💐💐💐💐💐💐💐💐💐💐💐💐💐💐💐
11.5.2025
అమ్మలందరికీ మాతృ దినోత్సవ శుభాకాంక్షలు
💐💐💐💐💐💐💐💐💐💐💐💐💐💐💐💐
No comments:
Post a Comment