*****************************************
తెలతెలవారుతుండగా...
వినిపిస్తుందో 'విజిల్ '...!
అదో అరుపు...!
అలారం అవసరంలేని ఆ పిలుపు
ఇంటింటికీ మేలుకొలుపు...
చటుక్కున లేచి చిటికెలో
చెత్తబుట్టలుచ్చుకుని
పరుగో పరుగు..!!
బయట ట్రాలీ తోసుకుంటూ..
అటు ఇటు చూస్తూ...
కంటబడుతుందో కష్టజీవి...
చెత్త సేకరణ డ్యూటీ చేస్తూ...
ఆ సమయంలో తనోయోధురాలు...
అలవోకగా అందర్నీ
వెలికి రప్పించే ఘటికురాలు...
అరక్షణం ఆలస్యాన్ని సహించదు..!
సాగిపోతుంది తన బండితో ముందుకు...
అంతటి పనిమంతురాలు !
తన రాకతో ప్రతి ఇల్లు పరిశుభ్రం
ఆరోగ్యం..ఆ ఇంటివారి సొంతం...
అందుకే చెబుదాం
ఆమెకు వెల్కమ్ 🙂
పేరుకున్న చెత్తకేమో గుడ్ బై ..🙂
********************************
No comments:
Post a Comment