💐💐💐💐💐💐💐💐💐💐💐💐💐💐💐💐💐💐
బాలల్లారా బాలల్లారా
రేపటి ఆశాజ్యోతుల్లారా !
జెండా పండుగ నేడే
రారండీ రారండీ !
జేజేలంటూ కదలండీ
భారతదేశపు పౌరుల్లారా
బాధ్యత తెలిసిన పెద్దల్లారా
మువ్వన్నెల జెండా మనదీ
నింగిని రెపరెపలాడాలి
చేరాలీ నలుచెరగులా మన ఘనకీర్తి!!
జాతిరత్నాలు నాటి మన నాయకులు
చిరస్మరణీయులు, చెరగని గురుతులు
మహిలో.. మనందరి మదిలో...
భరతదేశం మనదన్నారు... బానిసలంకాము..
భరతమాత ముద్దుబిడ్డలమన్నారు !
దురాక్రమణల సహించమన్నారు
దుండగీళ్లను తరిమి తరిమి కొట్టారు
తుపాకి గుళ్ళకు ఎదురొడ్డారు
పోరాడారు... ప్రాణాలర్పించారు !
సంకెళ్లను తెంచారు
స్వాతంత్రం సాధించారు !!
నేడు స్వేచ్ఛావాయువులు
పీలుస్తున్న భారతీయులం మనం
ఈనాటి స్వతంత్ర భారతం
ఆనాటి మహనీయుల త్యాగఫలం !!
స్వార్థ చింతన ఎరుగని వారు
పదవులు తృణప్రాయమన్నవారు
గమ్యమే లక్ష్యముగా జీవనయానం
సాగించిన ధన్యజీవులు వారు !!
కల్మష రహితం వారి మానసం
స్ఫూర్తిని రగిల్చే వారి భావజాలం !
నేటి యువతకు ఆదర్శప్రాయం
ఆచరిస్తే చాలు భవిత ఆనందమయం
బాలల్లారా బాలల్లారా
రేపటి ఆశాజ్యోతుల్లారా
జెండా పండుగ నేడే
రారండీ రారండీ
జేజేలంటూ కదలండీ !! 🌷
----
ప్రస్తుతంం అలముకున్న గాఢాంధకారాన్ని, చుట్టుముట్టిన కష్టనష్టాల్ని, అన్యాయాల్ని, అక్రమాల్ని, అరాచకాల్ని ---
గుండెల్ని పిండి వేస్తున్న బాధల్ని, బాధిత హృదయాల్ని ఒక్కరోజు పక్కకునెట్టి స్మరించుకోవాలి అమరమూర్తుల గొప్పతనాన్ని, విశ్వమంతా వినుతికెక్కిన నాటి ఘన చరిత్రనూ మనసారా !! 🙏
No comments:
Post a Comment