🌷🌷🌷 💐💐💐 😊😊😊 🌷🌷🌷
సంక్రాంతి వస్తోంది
సంబరాలు తెస్తుంది
నూతన కాంతులు వెదజల్లుతుంది
నూతనోత్సాహం నింపుతుంది 😊
ముచ్చటైన పండగిది
మూడు రోజుల మురిపెమిది !
ముంగిట్లో రంగవల్లులు
రమణుల అచ్చట్లు ముచ్చట్లు
నవధాన్యాల నడుమ
గొబ్బెమ్మల సోయగాలు
ముద్దబంతుల సౌరభాలు
ముద్దుగుమ్మల ఆట పాటలు
మామిడాకు తోరణాలు !
-- ఇన్ని సంబరాల్ని తెచ్చి మనకిచ్చి
మది పరవశింపజేస్తుంది మరి
మన సంక్రాంతి లక్ష్మి 🙏
ఇంకా --
బసవన్నలు వస్తారు ముస్తాబై
హరిదాసులు పాడతారు
'హరిలో రంగ హరీ 'అంటూ !
చిన్నారులకేమో భోగి పండ్లు
నట్టింట భలే భలే సందళ్ళు !😊😊
మరోపక్క ---
గగనాన గాలిపటాల రెపరెపలు 😊
కోడి పందేల కోలాహలాలు
ఫలించిన రైతన్నల ఎదురుచూపులు
గాదెల నిండుగ ధాన్య రాశులు !
బంధు జనాల లోగిళ్ళు
వైవిధ్యంగా వంటలు ,పిండి వంటలు !
విందులు, వినోదాలు
ఊరంతా సంబరాలు 🎆🎆🎆
ఆహా ! సందడే సందడి !!
చేయండి చేయండంటూ
అదిగో సంక్రాంతి వస్తోంది😊😊😊
నూతన కాంతులు వెదజల్లుతూ
నూతనోత్సాహం నింపటానికి
మనందరిలో-- అదిగో అదిగో
వస్తోంది వస్తోంది సంక్రాంతి 🌄😊🌷🌺
🌹💐🌷🌹💐🌷🌹💐🌷🌺💐🌷🌹
No comments:
Post a Comment