ఏడవకే ఏడవకే నా చిట్టితల్లీ
ఏడిస్తే నీ మోము చూడలేనె తల్లీ
చిదిమితే పాలుగారు చెక్కిళ్ళు నీవమ్మ
వడలిపోనీయకమ్మ వాడిపోనీయకమ్మ..
గోముసేయమాకమ్మ..గోల అసలు వద్దమ్మా
//ఏడవకే//
పాలబువ్వ తినిపిస్తా..వెండిగిన్నె ఇదిగో
కమ్మనైన నెయ్యి తోటి పప్పన్నం కలిపేసి
గోరుముద్దలే చేసి తినిపిస్తా నీతోటి
బుజ్జిపాప బొజ్జ నిండి బజ్జుంటే హాయి హాయి
బంగారుకొండవులే..మా ముద్దులమూటవులే
//ఏడవకే//
అల్లంత దూరాన బడిగంట అదిగో
మోగుతోంది..రారమ్మని పిలుస్తోంది పిల్లలను
బడిసంచీ ఇదిగో / బడి బాట సాగిపో
బాలలతో కలిసిపో..బహుబాగా చదువుకో
భావితరం దూతవై భవితవ్యం దిద్దుకో
//ఏడవకే//
అఆ లతో మొదలెట్టు/ ఆకాశమే నీ హద్దు
పంతుళ్ళ పాఠాలు / ప్రగతికి అవి నిచ్చెనలు
చెడు స్నేహం దరిజేరకు /నీ గమ్యం జారనీకు
సాగాలీ మున్ముందుకు..చేరాలీ శిఖరాలకు
మా కంటి వెలుగువే..కోటి ప్రభల కాంతివిలే
//ఏడవకే //
No comments:
Post a Comment