కళ్ళతో మాత్రమే ఆస్వాదించే దృశ్య మాలికలివి...

ఎన్నెన్నో వర్ణాలు..

చూడాలంటే చాలవు రెండు నయనాలు 

చిత్రకారుని కుంచెకు చిక్కని చిత్రాలు

చిత్రంగా అమరి కొలువుదీరిన పుష్పరాజాలు  

ప్రకృతి ప్రసాదితవరాలు..ప్రకృతికే వన్నెలొసగే 

వన్నె వన్నెల పూబాలలు..తోటలో విరబూశాయా..

ఆ తోటకే తలమానికాలు..ఇంటి ముంగిట విరిశాయా..

ఇల్లాలి మది నిండా సంబరాలు..చిరుగాలికి అల్లనల్లన కదిలే 

ఆ కొమ్మలు పంచే ఆహ్లాదాలు..పరిమళ సుగంధాలు గుప్పిస్తూ..

అవి అందించే సుస్వరాలు..తేనియలు గ్రోలుతూ..

రంగురంగుల తుమ్మెదలు..కనుల విందుగా పచ్చపచ్చగా

కదిలే క్రోటన్ అందాలు..కళ్లతో మాత్రమే ఆస్వాదించే

దృశ్యమాలికలివి..ఎన్ని కాసుల రాశులు పోసినా కొనలేనివి...