😒😒😒😒😒😒😒😒😒😒😒😒😒😒
ముక్కుపచ్చలారని పసిపాపల్లోనూ
ఆడతనాన్ని వెతికే నీచనికృష్టులు..
తల్లి వయసు ఆడదానిలోనూ
అమ్మను చూడలేని కామాంధులు..!
అడుగడుగునా పుట్టుకొచ్చి
అరాచకంగా మారిపోయి మచ్చపడ్డ
వికృత సమాజం ప్రస్తుతం మనది !
వయోభేదాలు.. వావి వరుసలు
ఎరుగని మానవమృగాలు...
విలువలు మరిచి వీధివీధినీ విచ్చలవిడిగా
విహరించే అపరకీచకులు!
పడతులూ..పసిపాపలు...
విద్యావంతులూ.. ఉద్యోగినులూ...
స్త్రీజాతి మొత్తం రక్షణ కరువై
నిత్యం జరుగుతున్న అకృత్యాలు !!
మృగాలతో పోలిస్తే మృగాలు సైతం
సిగ్గుతో తల దించుకునే దారుణ ఉదంతాలు!
భారతదేశం పవిత్రతకు మారుపేరన్న
పరదేశీయుల ప్రగాఢ నమ్మకం నానాటికీ
దిగజార్చుతూ పెచ్చరిల్లుతున్న పైశాచిక కాండలు..
అన్నీ నిలదీస్తున్నాయి ప్రత్యక్షసాక్షులై...
చట్టాలకు వెరవని.. శిక్షలకు లొంగని...
కరుడుగట్టిన క్రూరమానవుల ఈ మారణకాండలు...!
ఎప్పటికైనా మారునా ఈ మనుషుల నైజాలు...
అసలొస్తాయా మారే ఆ రోజులు!
ఆక్రోశిస్తున్న ప్రతీ అంతరంగం అడుగుతున్న
జవాబు దొరకని ప్రశ్నలివి !!??
😪😪😪😪😪😪😪😪😪😪😪😌😌😌😌😌
No comments:
Post a Comment