జాతిపిత ఒక్కడే గాంధితాత ఒక్కడే
జాతిరత్నమతడే జగతి కీర్తి అతడే
భరతమాత ముద్దుబిడ్డ అతడే
భావితరం సందేశం అతడే అతడే
//జాతిపిత//
చరణం 1 :
పోరుబందరున పుట్టినాడు
పోరుబాట పట్టినాడు
అహింసయే ఆయుధమన్నాడు
అందరినీ ఒకతాటిని నడిపించినాడు
కొల్లాయి గట్టిన ఒక సామాన్యుడు
మహాత్ముడై ఇల వెలిసిన అసామాన్యుడు
ఒక్కడే ఒక్కడే అతనొక్కడే
//జాతిపిత//
చరణం 2
తొలగిపొండి తెల్లోళ్లు అన్నాడు
తెల్లవారి గుండెల్లో నిదురించినాడు
బానిసగా బ్రతకడం వద్దూ వద్దన్నాడు
భరతభూమి మన సొంతం అన్నాడు
సత్యాగ్రహమే చేశాడు స్వతంత్రమే తెచ్చినాడు
చరిత్ర పుటలకెక్కి చరితార్థుడు అయినాడు
ఒక్కడే ఒక్కడే అతనొక్కడే
//జాతిపిత//
మనుషులంత ఒక జాతి
మానవతే మన కులమని అన్నాడు
సహోదరులు నా జనులని
సమతావాదం చాటాడు
ఆచరించి చూపి ఆదర్శం అయ్యాడు
పోరాటం సలిపాడు జైలుపక్షి అయ్యాడు
జగతికి తలమానికమయ్యాడు
ఒక్కడే ఒక్కడే అతనొక్కడే
// జాతిపిత //
No comments:
Post a Comment