సంతోషం పంచుకుందాం....

💐💐💐💐💐💐💐💐💐💐💐💐💐💐💐💐

పండగలంటే ఇష్టం...

దీపావళి మరీ ఇష్టం...

దీపాలు వెలిగించడం.. 

ఆ దీపకాంతి ఆస్వాదించడం..

మరీ మరీ ఇష్టం..

వెలిగే దీపాలు వెదజల్లే కాంతులిష్టం 

చీకటిని పారద్రోలే ఆ కాంతిపుంజాలు 

మదిలో రేపుతాయి ఎన్నో భావతరంగాలు

అవి వెలిగించే ఆశాజ్యోతులు

అందిస్తాయి అనిర్వచనీయ ఆనందాలు 

సాయంసంధ్యవేళల కాకరొత్తులు రాల్చే

ఆ వెలుగుల పూలు ఎంతో ఇష్టం 

పైకెగసే తారాజువ్వలు..

గుండ్రంగా తిరిగే భూచక్రాలు...

పైకి ఝుమ్మని ఎగసే చిచ్చుబుడ్లు...

తనివితీరా చూడ్డం ఇష్టం ...

ఆ క్షణాన పిల్లల కేరింతలు..

వెలకట్టలేని ఆ అనుభూతుల సంబరాలు

మదిలో నిక్షిప్తం చేయడం మహా ఇష్టం...

ఇన్ని ఇష్టాల మధ్య కొన్ని 

అయిష్టాలు మాత్రం కష్టం...!!

చెవులు చిల్లులు పడేలా 

టపాకాయల శబ్దం అయిష్టం..

అవి రేపే కాలుష్యం పర్యావరణానికి 

విషతుల్యం..అగ్ని ప్రమాదాలతో

ప్రాణ నష్టం..ఆస్తి నష్టం...!

జాగ్రత్తలు చాలా అవసరం..

పండగ సంబరాలు కాకూడదు కదా బాధాకరం!

ఆహ్లాదంగా జరుపుకోవడం ఆవశ్యకం..

అందరికీ ఆనందదాయకం...

పిల్లలూ.. పెద్దలూ..అందరం పాటిద్దాం..

పెద్దలు చెప్పే మంచి మాటలు

వినడం మన ధర్మం... నిర్లక్ష్యం వీడుదాం..

జాగ్రత్తలతో మెలుగుదాం...

పండగపూట మిఠాయిలు తింటూ

సంతోషం సరదాగా పంచుకుందాం...   

💐💐💐💐💐💐💐💐💐💐💐💐💐💐💐💐