**************************************
వీధివీధినా విచ్చలవిడిగా
విహరించే వీధి శునకాలు..
అడ్డు అదుపూ లేక....
సమయం సందర్భం గానక..
చెవులు చిల్లులు పడేలా
భౌభౌమంటూ అరుపులు..
ఆ వీధి కుక్క పొరబడి
ఈ వీధిని అడుగిడెనా...
తమ సామ్రాజ్యమేదో
ఆక్రమించినంతగా రగులుతాయి
వాటిలో రౌద్రావేశాలు..!
మానవజాతిని మించి
పెచ్చరిల్లే పగలూ ద్వేషాలు!!
ఆ గగ్గోలు తాళలేక
జడుసుకుంటూ జనాలు !
మరోవైపు....
పసికందును పీక్కుతింటున్న హృదయవిదారక దృశ్యాలు!🙁
పసివాడిపై దాడి...
నూరేళ్ళ బ్రతుకు సమాధి !!😓
మిన్నంటిన ఆప్తుల రోదనలు!
తప్పని జీవితకాల వేదనలు !!
చిత్రం! జాతి ఒక్కటే..!
పెంపుడు కుక్కలకూ
వీధికుక్కలకు క్షణం పడదాయె !!
విశ్వాసానికి మారుపేరంటారే...
మరి..ఈ కొరగాని బుద్ధి బహువింతే !!
నోరులేని జీవులకు
హాని చేయరాదంటూ చట్టాలు...
ఎవరు వింటారు...?!
నోరున్న మనుషుల ఆర్తనాదాలు...!!
అందుకే... వీధి కుక్కల బెడద
ఇంతింత కాదయా..భరించడం తప్ప
వేరే దారి లేదయా...!!!😞
********************************
No comments:
Post a Comment