🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
అమ్మ కడుపు నుండి
అవనికి దిగి అల్లన కన్ను దెరిచి
కెవ్వుమన్న ఆ పసిగుడ్డు
సిరప్పులు మింగలేక
సూదిపోట్లు తాళలేక
భయపడి బేజారై వగచిందిలా....
అమ్మ కడుపు ఎంత చల్లన !
నులివెచ్చని ఆ చిన్ని గది
ఇచ్చిన రక్షణ నాకెంతటి ఆలంబన !
అదో ఊయల !
ఆ లాలన మరువగలన !!
బరువులు బాధ్యతలు
బంధాలు బాదరబందీలు
మచ్చుకైన మది జేరలేదే అచట !
నెలలు నిండి నెలవు దప్పి
ఇలకు జారి ఇక్కట్లపాలైతి గద !
తిరిగిపోవ తరమౌన !
మనిషినై పుడితి నకట !!
నిజముగ ---
అమ్మ కడుపు ఎంత చల్లన !!
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
No comments:
Post a Comment