వేసవి వచ్చింది
ఎండల్ని తెచ్చింది
మల్లెల్ని ఇచ్చింది !
ముడుచుకున్న ఆకులన్నీ
విప్పారినవి
పండుటాకులు రాలి
పచ్చని చివుళ్లు
పలుకరిస్తున్నాయి 🙂
ఇన్నాళ్లూ ఎక్కడ
దాక్కున్నాయో మరి !!
నిద్రించిన కొమ్మలు
ఒక్కసారిగా మేల్కొన్నాయి !
అదిగో, మొదటి మొగ్గ !!
విచ్చుకుంది మరునాటికి !
కనురెప్ప పాటులో కనువిందు చేస్తూ
కొమ్మల నిండా చిట్టి మొగ్గలు !
చిరు నవ్వులు చిందిస్తూ
చెట్టంతా... విరిసిన మల్లెలు
వారం గడిచేసరికి !
నింగిని పరుచుకున్న
నక్షత్రాల మాదిరి !!
పరిమళభరితాలు
మల్లెలు, సన్నజాజులు 😊
ఋతురాగాలకు స్పందించే
శ్వేతవర్ణ కుసుమాలు !
మండే ఎండల్లోనే కదా
ఈ మల్లెల గుభాళింపులు !
ఆస్వాదించాలంటే
స్వాగతించాలి మరి
వేసవి వడగాడ్పుల్ని !!
అందుకే...
వేసవి రావాలి
ఎండల్ని తేవాలి
మల్లెల్ని మనకివ్వాలి 🙂🙂
*************
No comments:
Post a Comment