నేర్చుకుందాం గుణపాఠాలు...

 

                        ~యం. ధరిత్రీ దేవి 

అనుభవాలు తరచిచూడ అనేక రకాలు 

జీవన గమనాన తప్పనివి..తప్పించుకోలేనివి !

తీపివి కొన్ని.. చేదు తినిపించేవి కొన్ని..!

ఆహ్లాదాన్నిస్తూ తీయనివి.. పలుకరిస్తాయి..

మదిని పులకరింపజేస్తాయి..

మనోవేదనకు చోటు లేని 

మధురానుభూతులవి !!

చేదు అనుభవం.. తద్భిన్నం !

చెరిగిపోదు.. గాయం మానిపోదు..

గుండెల్లో దిగబడ్డముల్లు కనిపించదు..

గుచ్చుకుంటూనే ఉంటుంది..

అవమానాల భారం పెంచే ఆ బాధకు 

మరణం లేదు.. ఉండదు..

అయితే.. మనిషికి తెలియందొక్కటే..

ఏది మంచి.. ఏది చెడు.. తెలిపేది

చేదు అనుభవాలే అని..!!

నిజస్వరూపాలు తేటతెల్లమయ్యాక 

తేలిక పడటం ఎంత తేలిక !!

తెలుసుకో నేస్తం.. నేర్చుకుందాం..

చేదు నుండి పాఠాలు.. ఆ పాఠాలు గుణపాఠాలై 

మరిక పడనేపడవుగా..'తప్పు'టడుగులు !!

<><><><><><><><><><><><><><><><><>