వారం క్రితం అనుకుంటాను, ఓ ప్రముఖ దినపత్రికలో ఓ వార్త వచ్చింది.
" మా ఆడవాళ్లు తాగుబోతులు అయిపోతున్నారు సారూ.. "
అనే హెడ్డింగ్ తో...! చిత్రంగా ఉందే అనుకుంటూ, ఆసక్తి పుట్టి వివరాల్లోకి వెళితే....
మేము కూలీ నాలికి వెళ్ళి తెచ్చిన డబ్బులన్నీ మా ఇళ్ళలో మా ఆడవాళ్లు వాళ్ల తాగుడుకి ఖర్చుపెట్టేస్తున్నారు సారూ. మా పిల్లల భవిష్యత్తు ఏమవుతుందో అని మాకు మహా బెంగగా, బాధగా ఉంది. మా ఊళ్లో కొందరు చేస్తున్న సారా వ్యాపారం వల్లే మా ఆడవాళ్లు ఇలా తయారయ్యారు... మా కుటుంబాల్ని కాపాడండంటూ అందరూ వెళ్లి పోలీస్ స్టేషన్లో మొర పెట్టుకున్నారట..!! ఒడిశా రాష్ట్రం, కారాపుట్ జిల్లా, కొండగూడ గ్రామానికి చెందిన పురుషుల ఆవేదన ఇది..!
కొద్దికాలం క్రితం ఇలాగే వితండంగా అనిపించే వార్త వచ్చింది పేపర్లో. సాధారణంగా ఎక్కడైనా కోడళ్ళు ఆధునికంగా (modern ) ఉంటూ ఉంటారు. అత్తగార్లేమో కాస్త సంప్రదాయబద్ధంగా ఉంటారు. అవునా..! కానీ, ఉత్తర ప్రదేశ్ లోని ఆగ్రాలో ఓ ఇంటిలో పరిస్థితి తద్భిన్నంగా ఉందట!
అత్తగారేమో జీన్స్ వేస్తుందట! కోడలికేమో చీరలు కట్టడమే ఇష్టమట !! పెళ్లయి అత్తవారింట అడుగుపెట్టాక, ఆ అత్తగారు కోడల్ని జీన్స్ వేసుకోవాలని ఒకటే ఒత్తిడి తెచ్చిందట! ఆ కోడలేమో పల్లెటూరి నుండి వచ్చిన కారణంగా ససేమిరా అందట! ఆఖరికి అత్తగారి ఒత్తిడి తట్టుకోలేక పోలీస్ స్టేషన్ మెట్లు ఎక్కిందట ఆ కోడలు!!
కొసమెరుపు : ఆ అమ్మాయి భర్తతో విషయం చెప్పుకుని వాపోతే, ఆ మగడు తిరిగి తననే కొడుతున్నాడని ఆ అమాయకురాలి ఫిర్యాదు !!
వింటుంటే తమాషాగా అనిపిస్తున్నా ఈ రెండు ఉదంతాల్లో అంతర్లీనంగా ఏదో ఆవేదన ఉందనిపించడం లేదూ!!
*****************************************
No comments:
Post a Comment