<><><><><><><><><><><><><><><><><><>>
యం. ధరిత్రీ దేవి
***********
టిక్.. టిక్.. టిక్.. టిక్...!
గోడన గడియారం శబ్దం...
లయబద్ధంగా...
శృతి ఏమాత్రం తప్పక...
సెకండ్లు.. నిమిషాలు..గంటలు...
దొర్లి పోతున్నాయి...విరామం ఎరుగక..!
భ్రమణం సాగుతోంది...
కాలం కదిలిపోతోంది...!
మరోవైపు...
బిడ్డ ఎదుగుతోంది...
ప్రతీ పుట్టినరోజు జరుపుకుంటోంది...
పాపం! ఆయువు తరుగుతోంది !!
అదేమిటో !ఆ తలంపే రాదెవ్వరికీ !!
కన్ను మూసి తెరిచేలోగా
ముసలితనం పలుకరిస్తుంది...
మరణానికి సిద్ధం కమ్మంటూ !!
అందుకే...త్వరపడు...
జారుతున్న క్షణాల్ని ఒడిసిపట్టు...
ప్రతీక్షణం విలువ లెక్కపెట్టు...
సద్వినియోగం చేసుకునే
ప్రయత్నం మొదలెట్టు...👍
<><><><><><><><><><><><><><><><><><>>
No comments:
Post a Comment