🌷🌷🌷🌷🌷🌷🌷🌷🌷🌷🌷🌷🌷🌷🌷🌷
🌷🌷🌷🌷🌷🌷🌷🌷🌷🌷🌷🌷🌷🌷🌷🌷
అన్నా అన్నా తెలుపర అన్నా...
స్వతంత్రమంటే ఏందిర అన్న ?
స్వరాజ్యమంటే ఏందిర అన్న ?
చెల్లీ చెల్లీ ఓ పాలవెల్లి
సిరి సిరిమల్లెల మందారవల్లి....
వినవే తల్లీ చెబుతా మళ్ళీ....
పరులకు దాస్యం ఒకనాడు
చేశాం మనము అందరమూ
ఏకై వచ్చిరి ఆ దొరలు
మేకై గుచ్చిరి హృదయాలు !!
కరువైపోయెను బ్రతుకున వెలుగు
నిండెను గుండెల ఆరని దిగులు...
అన్నా అన్నా తెలుపర అన్న
దొరలంటే ఎవరే అన్న ?
వారంటే వెరపెందుకె అన్న ?
చెల్లీ చెల్లీ ఓ పాలవెల్లి
సిరిసిరి మల్లెల మందారవల్లి...
దొరలంటే ఆంగ్లేయులే నమ్మీ
చేశారు వారు మనపై దొమ్మీ !!
అయితే ఒక్కటి నిక్కము సుమ్మీ...
అంతా ఏకం అయితే..
ఐక్యమై కదిలి సాగితే..
వారి పని సున్నే నమ్మీ...
అన్నా అన్నా తెలుపర అన్న...
ఏకం అంటే ఏందిర అన్న ?
ఐక్యం అంటే ఏమిటిరన్న ?
చెల్లీ చెల్లీ ఓ పాలవెల్లి...
సిరిసిరి మల్లెల మందారవల్లి...
ఏకం అన్నా ఐక్యం అన్నా
ఒకటిగ కలిసీ ఉండడమూ...
నాయకులంతా ఒకటై పోయిరి..
జరిపిరి సమైక్యపోరాటమన్నది !
స్వతంత్ర జీవన వాంఛితమే
వారల జీవిత ఆశయమూ ...
త్యాగం తోటి తేజం చిందే
బ్రతుకే వారల ఆదర్శం...!
అన్నా అన్నా తెలుపర అన్నా..
నాయకులంటే ఎవరే అన్న ?
త్యాగం అంటే ఏందిర అన్న ?
నాయకులంటే మార్గదర్శులు
జాతికి జీవం పోసిన వీరులు !!
భావిని చెరగని ముద్రలు వారు
భారత చరిత్ర నిలిచినవారు
భవితకు బంగరు బాటలు వారు !!
బాలల జీవనజ్యోతులు వారు !!
అన్నా అన్నా తెలుపర అన్న..
మార్గదర్శులు ఎవరే అన్న ?
బంగరు బాటలు ఏవిర అన్న ??
గాంధీ దేవుడు చేసెను త్యాగం...
నెహ్రూ దీవెన పోసెను జీవం...
సుభాసు బోసు సింహనాదం !
జైహింద్ అంటూ కదిలిరి జనం !!
భగత్ సింగ్ బలియైపోయెను...
భారతనారీ ఝాన్సీ రాణీ.....
భారత చరితను నిలిచిన జ్యోతీ !!
ఆంధ్ర కేసరి టంగుటూరి...
ఉక్కుమనిషి పటేల్ జీ...
వెలుతురు చూపిరి..వెలుగే నింపిరి !
వెళ్లగొట్టిరి శత్రుమూకను...
కొల్లగొట్టిరి వారల పరువు !
పగులగొట్టిరి దాస్య శృంఖలాలు !!
తెచ్చిరి కడకూ స్వతంత్రమన్నది !!
తేనెల వానలు కురిపించిరి మదిని !
వారే చెల్లీ మహానుభావులు...
వారే తల్లీ అమరజీవులు....
భారతమాతకు ముద్దుబిడ్డలు
జాతికి జీవం పోసిన వీరులు
భావిని చెరగని ముద్రలు వారు
భారత చరిత్ర నినిచినవారు
భవితకు బంగరు బాటలు వారు
బాలల జీవన జ్యోతులు వారు !!
అన్నా అన్నా తెలిసెర అన్నా...
స్వతంత్రమంటే స్వేచ్చాజీవనం
బానిసత్వజీవన విమోచనం !!
🌷🌷🌷🌷🌷🌷🌷🌷🌷🌷🌷🌷🌷🌷🌷🌷
No comments:
Post a Comment