🌹🌹🌹🌹🌹🌹🌹🌹🌹🌹🌹🌹🌹🌹🌹🌹
.jpg)
అందానికి అందం నీవు...
అందానికే నిర్వచనం నీవు...
నయనాలకు ఆహ్లాదం...
ఆస్వాదించే హృదయానికి
అమితానందం...
అందించే అరుదైన
అరవిందానివి నువ్వు...
ఓ గులాబీ!
కళ్ళు చెదిరేలా...
భానుడు ఈర్ష్య పడేలా....
ఆ ఎరుపువర్ణం...!
నీ ఆత్మ విశ్వాసానికి ప్రతీక !
ఆకృతి చూడ అదో
తిరుగులేని ప్రత్యేకత !!
ఆపై... వలయాలై...
సుడులు తిరుగుతూ
ఆ పూరేకుల అమరిక...!
పచ్చదనం సింగారించుకున్న నీ కొమ్మలు
చిరుగాలిని పలుకరిస్తే చాలు...
నీలో దాగిన సుగంధ పరిమళాలు
రెక్కలొచ్చి పలుకుతాయిగా స్వాగతాలు...
ఇట్టే మూగుతాయి చుట్టూ రంగురంగుల
సీతాకోకచిలుకలు...!!
పరిసరాలకు నీవో పసిడి ఆభరణం
చూపరులకు అద్భుతం !!
ఎంత చూసినా..
తరగని..తనివి తీరని
సోయగం నీది కదా !!
అందుకే... అందానికి అందం నీవు!
అందానికే నిర్వచనం నీవు...
అతివలకే కాదు సఖివి...
అవనిపై అందరికీ...!!
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
No comments:
Post a Comment