'విత్తనం నేను' !!

🌳🌴🌳🌴🌳🌴☘️🌿🌲🌳🌴🌲🌳🌴🌲☘️

                                 

                                             యం. ధరిత్రీ దేవి 

                                            

'విత్తనం' నేను ! 

వింతలెన్నో సృష్టిస్తా !! 🙂

మట్టిలో పెడితే.. 

మొలకనై వస్తా !

చారెడు నీళ్లిస్తే.. 

చిగురిస్తా.. చెట్టునవుతా !

విరబూస్తా...విరులిస్తా..

నెలతల నెచ్చెలినవుతా .. 

ఫలాలిస్తా..ఆకలి తీరుస్తా..

ధాన్యమిస్తా..ధనమిస్తా..

రైతు నేస్తాన్నవుతా.. 

నీడనిస్తా..సేద దీరుస్తా..

సేవలందిస్తూ..సాయపడతా...

గాలినిస్తా...ప్రాణదాతనవుతా... 

ఔషధాన్నవుతా...

ఆయుర్వేదమై..ఆయువుపోస్తా... 

దేవతనవుతా..వరాలిస్తా..

వర్షాలూ కురిపిస్తా..

ఎండిపోతే.. కలప నవుతా..

నీ ఇంటి మూల స్తంభాన్నవుతా...

కాగితాన్నవుతా.. 

కథల పుస్తకాన్నవుతా...

రకరకాలుగా అలరిస్తా...

రాగాలూ పలికిస్తా.. 🙂

మీకోసమే జీవిస్తా.... 

మీకోసమే మరణిస్తా.... 

ప్రకృతిలో కలిసుంటా.. 

ప్రతీ చోటా ప్రత్యక్షమవుతా !

నా ఉనికి ఊరికి  అందం...

నా ఊహ  మదికి ఆహ్లాదం..!!

పచ్చదనానికి నేనే 

చిరునామా నంట !!

పరిసరాల కాలుష్యం 

పరుగో పరుగంట..🙂

[విరివిగా నాటండి విత్తనాల్ని..చక్కగా పెంచండి మొక్కల్ని.. ప్రగతికి మెట్లు చెట్లు.. మరవకండి 🙏 ]

🌳🌴🌳🌴🌳🌴🌴🌴🌳🌴🌳🌴🌳🌴🌳🌴