నవ్వుల పువ్వుల రవ్వల నడుమ మనం మనం.....

నేడు ఉపాధ్యాయ దినోత్సవం. గురువులందరికీ శుభాకాంక్షలు.  నేను ఉపాధ్యాయినిగా పనిచేస్తున్న రోజుల్లో వ్రాసుకున్న బాల గేయమిది. 5, 6, 7 తరగతుల విద్యార్థులకు నేర్పిస్తే ఎంతో చక్కగా పాడేవారు. ఉపాధ్యాయుల ప్రాధాన్యత తెలియజెప్పే ఈ పాట ఈ శుభ సందర్భంగా నలుగురితో పంచుకోవాలన్న ఆలోచనతో ఈ రోజు నా బ్లాగ్ లో పెడుతున్నాను. 

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

 నవ్వుల పువ్వుల రవ్వల నడుమ మనం మనం

 ఆడుతు పాడుతు జీవించాలి క్షణం క్షణం

 సాగాలీ సాగాలీ నిరంతరం

చేరాలీ చేరాలీ మన గమ్యం          "నవ్వుల "

 మా బడియే మా ప్రియమైన మా ఇల్లు

 మమతకు మారు రూపాలు

 చదువులు చెప్పే గురువులు

 శుభోదయం నేడే పట్టండీ కుసుమాలూ 

 వేడుక మీర చెప్పండీ జేజేలు 

 ఆ గుడి లాంటి ఈ బడిలో

 వెలసిన ఈ దేవుల నడుమ

 కలసి మెలసీ కన్నుల విందుగ         " నవ్వుల "

నిచ్చెన లోని మొదటి మెట్టు

 నువ్వు ఎక్కకనే  చేరగలేవు 

 ఆఖరి మెట్టు ఎన్నటికీ

 ఆ మొదటి మెట్టు 

 నీ ఉపాధ్యాయుడూ మరవద్దూ 

 జీవనపథమున పైన నిలిచిన ఆ పొద్దూ 

ఆ గుడిలాంటి ఈ బడిలో 

వెలసిన ఈ దేవుల నడుమ 

కలసి మెలిసీ కన్నులవిందుగ         "నవ్వుల "

 నవ్వుల పువ్వుల రవ్వల నడుమ మనం మనం 

 ఆడుతు పాడుతు జీవించాలి క్షణం క్షణం

 సాగాలి సాగాలీ నిరంతరం

 చేరాలీ చేరాలీ మన గమ్యం     

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

              🌺🌺🌺'భువి ' భావనలు 🌺🌺🌺

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷