🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ఆమె...
భూదేవంత ఓర్పు గలది...
అయితే...అవధులు దాటితే...
భూకంపాలూ సృష్టించగల నేర్పరి !
ఆమె...
అబల!అవసరమొస్తే...కండలు తిరిగిన
వస్తాదులనూ కంటిచూపుతో
మట్టి కరిపించేయగల సబల !!
ఆమె...
అంతరంగం అంతెరుగని సముద్రం...
అభిమానిస్తే...కురిపించే ప్రేమ అపారం
ఆగ్రహిస్తే..ఉప్పెనలతో ముంచేయడమూ ఖాయం!!
ఆమె...
తన ఇంటికి మకుటం లేని మహారాణి
ఆమె లేక ఆ రథం కదలదు అరంగుళం!!
నమ్మకతప్పని పచ్చి నిజమిది!!
ఆమె లేక జననం లేదు...
గమనం లేదు...
సృష్టిలో జీవం లేదు..
అసలు సృష్టే లేదు...
మహిమాన్విత మహిళా!
వందనం 🙏
నీకు అభివందనం 🙏
🌹🌹🌹🌹🌹🌹🌹🌹🌹🌹🌹🌹🌹🌹🌹🌹 నేడు అంతర్జాతీయ మహిళా దినోత్సవం
8.3.2025
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
No comments:
Post a Comment