ఇష్టం, నాకెంతో ఇష్టం !

                                                                          

                            🌷🐦

మండే  ఎండలు 

చల్లారుతున్న ఓ సాయంత్రం

చల్లగ వీచే చిరు గాలి 

అలా అలా తేలివచ్చి

నా చెంతజేరి నను తాకి 

సేదదీర్చుతున్న ఆ క్షణం !

ఇష్టం నాకెంతో  ఇష్టం !! 🙂

చిటపట చినుకులు చిరుజల్లులై 

ఎండిన నేల తడిసి 

మెల్లగా,  మెల్లమెల్లగా పైకెగసిన 

ఆ కమ్మటి మట్టి వాసన !

ఇష్టం,  ఇంకా ఇంకా ఇష్టం !

పదునెక్కిన భూమిని ఒదిగిన 

నేనాటిన ఓ చిన్ని విత్తనం 

అంకురమై దర్శనమిచ్చిన ఆ తరుణం !

రెప్ప వాల్చక వీక్షించే ఆ అపురూప దృశ్యం !

ఇష్టం, మరెంతో ఇష్టం !

తొలి పూతతో తనువంతా పులకింపజేసి 

కాయగ మారి పరిపక్వమై పండై  నిలిచి 

నను అబ్బురపరచిన ఆ నిమిషం 

ఆస్వాదిస్తూ పురివిప్పి నాట్యమాడెనే, 

నా మానసం ! ' ఔరా' ! అనుభవిస్తేనే గాని 

అవగతం గాని ఆ 'అద్భుతం' !!

తలచి తలచి పరవశించడం !

నాకెంతో ఇష్టం, మరీ మరీ ఇష్టం !! 😊 🐦

                        🌹🌹🌹🌹🌹🌹