🌷🌷🌷🌷🌷🌷🌷
భువి భావనలు🐦
🌷🌷🌷🌷🌷🌷🌷
ఆకుపచ్చని లతలతో అల్లుకున్న ముచ్చటైన పందిరి
పరచుకున్న పత్రదళాలపై వెదజల్లబడ్డ వజ్రాలకు మల్లె
విచ్చుకొన్న ఆ జాజిమల్లెల సోయగాల సందడి !
చిరుగాలికి అల్లనల్లనఊగే ఆ కొమ్మల ఊయల
అమ్మ ఒడిలా తోచెనో ఏమో
ఒదిగిపోయి కురిపిస్తున్నాయి
చిరునవ్వుల పసిడికాంతుల !
అవి విరజిమ్మే సౌరభాల గుభాళింపులతో
నిండిన మా లోగిలి తెచ్చిపెట్టింది మా ముంగిట
అంతులేని ఆహ్లాదపు సిరిని !
ఆస్వాదిస్తూన్న నామదిని చుట్టుముట్టి
ఆ తెల్లని మల్లెలు తలపిస్తున్నాయి
నింగిని నల్ల నల్లని మేఘాలకు
మెరుపులద్దుతూ మిణుకు మిణుకుమంటూ
చిక్కగా పరచుకున్న చక్కనైన చుక్కల్ని !
ఈ మల్లెలకెవరు నేర్పిరో కదా
అలా విచ్చుకొమ్మని ! మరి,
ఆ చుక్కల కెవరు చెప్పిరో ఏమో,
ఇలా ఇలనంతా రంజింపజేయమని !
ఆహా ! పరుల కోసం ప్రతీ నిమిషం
పరితపించే ఈ ప్రకృతి రీతి !
సృష్టించి మనిషికొసగిన
ఆ విధాత ఎంతటి సృజనశీలి !
💐💐💐💐🙏🙏🙏💐💐💐💐🙏🙏🙏
No comments:
Post a Comment